" පියාපත් ලැබී " තවත් දිගහැරුමක් . ඔන්න කලින් කියවන්න බැරිවුණු කෙනෙකුට මෙතන ක්ලික් කරලා පහුගිය මතකය අලුත් කරගෙන එන්න පුළුවන් . කියවන්න " පියාපත් ලැබී " දැන් එතැන් සිට සහෲද ඔබ හමුවට
෴෴෴෴෴෴෴෴෴෴෴෴෴෴෴෴
. . . දොලොස්වෙනි කොටස . . .
බැලූ බැල්මට නම් අහින්සක පාටයි. ඒත් කවුද දන්නේ මොනවගේ කෙනෙක්ද කියලා. උපාසක බළල්ලු තමයි කියනවානේ මීයෝ දෙන්නා දෙන්නා අල්ලන්නේ. ඕ තනිවම සිතුවාය. ජීවිතේටම තාත්තා හැර වෙන පිරිමියෙක් එක්ක මේතරම් දුර කොහේවත් ගොස් නැත. ලඟින් හිත ඇදෙන අමුතු සුවඳක් එනවා. එක අතකට මම මේ මොනවද හිතන විකාර. මටත් පිස්සු. එක අතකට අර චාමි කිව්වා වගේ මේ වගේ ඩ්‍රයිවින් ජොබ් එකක් කරන්නේ මෙයාට මේ රටේ ලෝකේ වෙන ජොබ් එකක් හොයාගන්න නැතුවද මන්දා. එක අතකට මට මොකටද ඕවා. ඈ යලිත් සිත වෙනතකට ගන්න වෙරදැරුවාය.
දැන් බොහෝ වෙලාවක් ගතවී ඇත. වීදුරුවෙන් එපිට පෙනෙන්නේ ඝණ අන්දකාරයයි. ඝණ අඳුර කපාගෙන රිය වේගයෙන් ඇදෙනු පාරමීර දැනුනි. මොකට යනවද මන්දා මේතරම් වේගයෙන්. නාරද සුක්කානම මත එක අතක් තබාගෙන වාහනය හසුරුවන අපූර්වත්වයත් ඉතාමත් හුරුපුරුදු අයුරින් ඔහු අතින් ගියර් මාරුවන අයුරුත් පාරමී හොරෙන් බලා සිටියාය.
" ඉගිල්ලෙන්නේ නැතිව පොඩ්ඩක් හිමින් යමුද. මේක රේස් එකක් නෙමෙයිනේ. . . " පාරමී තම හැඟීම් යටපත්කරගන්නා අටියෙන් ටිකක් සැරෙන් මෙන් කීවාය.
ඇයට වුවමනා වූයේ ගමන තව තවත් දිගුවන්නටය. " මහා මෝඩයෙක් " ඕ නාරද දෙස බලාගෙන තමාටම මුමුනාගත්තාය. රියේ ඒ සී යන්ත්‍රය නොනවත්වාම වැඩකළද පාරමී රියේ වීදුරුව පහත්කිරීමට සිතා ස්වීචය එබුවත් එය වැඩ කරන බවක් නොපෙනුනි.
" මේ ශටර් එක ඇරෙන්නේ නැත්ද . . ? " ඇය ඔහුව වැඩිය ගනනකට නොගෙන ඇසුවාය.
" ම් . . ම් . ඒකනම් දන්නේ නෑ මිස්. අනිත් පැත්තේ ශටර් එක වැඩකරනවා ඇති සමහරවිට. "
" නෑ නෑ ඕන නෑ. වාහනේ වීදුරු ඇරෙනවද නැත්ද කියලවත් දන්නේ නැද්ද ? "
" මම මේ වාහනේ ගරාජ් එකෙන් අරන් එන්න හදනකොටම තමයි මිස්ගේ තාත්තා කතා කරලා මිස්ව එක්කගෙන එන්න කියලා කිව්වේ. මේ වාහනේ අඩුපාඩු ගැන වැඩිය මම හරියට දන්නේ නෑ මිස්. "
" ඔතනින් නවත්තන්න. "
" ඇයි මිස් . . "
" පණ්ඩිත ප්‍රශ්න අහන්නේ නැතිව නවත්තනවද.? "
නාරද රියේ වේගය අඩුකර පාර අයිනට කර නැවැත්වූවේය. " මේ කෙල්ල මොනවා කරන්න හදනවද මන්දා . " නාරද සිතුවේය.
රිය නැවැත්වූ සැනින් පාරමී රියෙන් බැස ඉදිරි අසුනට විත් හිඳ ගත්තාය.
" හරි යමු. "
෴෴෴෴෴෴෴෴෴෴෴෴෴෴෴෴
මේ ළමයි කරන බහුබූත වැඩ. ඒ කෙල්ලව කැබ් එකක් කතාකරලා යවන්නේ නැතිව. පොඩි දුරක්ද. දැන් නමයත් පහුවෙලා. නාරදගේ ෆෝන් එකත් වැඩ නෑ. අනේමන්දා. ගිහින් බලන්න කියලෑ. දසනායක බැල්කනියේ ඇවිදිමින් සිතුවේය.
කිසිදාක තමා සමඟ හැර කිසිවෙකුත් සමඟ මෙතරම් දුරක් තියා කොළඹින් පිටටවත් යවා නැත. නාරද පිළිබඳ අවිස්වාසයක් නැත. එහෙත් අද රටේ ළෝකේ වෙන දේවල් දැක්කම ඒ තරමටම කිසිවෙකුව විස්වාස කළ නොහැකිය.
. . . මතු සම්බන්ධයි . . .
෴෴෴෴෴෴෴෴෴෴෴෴෴෴෴෴
No comments:
Post a Comment
ඔබේ අදහස් දිරියක් මට . . .