" පියාපත් ලැබී " තවත් දිගහැරුමක් . ඔන්න කලින් කියවන්න බැරිවුණු කෙනෙකුට මෙතන ක්ලික් කරලා පහුගිය මතකය අලුත් කරගෙන එන්න පුළුවන් . කියවන්න " පියාපත් ලැබී " දැන් එතැන් සිට සහෲද ඔබ හමුවට
෴෴෴෴෴෴෴෴෴෴෴෴෴෴෴෴
අසිත කාර්‍යාලයට පිවිස සෑහෙන වෙලාවක් ගතවුවත් කළයුතු කිසිවක් සිතට නොනැගෙයි . ප්‍රශ්ණ වැලක් උද්ගතවී ඇත . දසනායක අසනීප තත්වයෙන් පසුවන බව කිසිවෙකුට දැනගැනීමට ඉඩ නොතැබිය යුතුය . කිහිප දෙනෙකු බලා සිටින්නේ හොද මුහුණක් පෙන්වාගෙන සිට ලැබෙන අවස්තාවකදී අයුතු ප්‍රයෝජන ගැනීමටය . දැනටමත් ඕඩර්ස් කිහිපයක් පිටගොස් ඇතිබව වටින් ගොඩින් ආරංචි වී ඇත . අසිත පුටුවෙන් නැගිට ජනේලයෙන් එළිය බැලුවේය . එවිටම වගේ නාරද වාහනයෙන් බැස කාර්‍යාලය දෙසට ඇවිද එනු පෙනුනි . අසිතගේ සිතට යම් සහනයක් දැනුනි . මද වේලාවක් තම කැබිනයේ රැදී සිටි අසිත නාරදගේ කැබිනය දෙසට ගියේය .
" ගුඩ් මෝනිං මචං . . . " නාරද අසිත දුටුවනම පැවසුවේය .
" වෙරි ගුඩ් මෝනිං . .. අද උඹ නම් ෆුල් හැපී මූඩ් එකේ වගේ . ඒත් මොකද මචං උඹේ මූනට වෙලා තියෙන්නේ . . "
" ඇයි බං . මොකද වෙලා තියෙන්නේ . . " නාරද මූණ අතගාමින් ඇසුවේය .
" උඹේ ඇස් දෙක රතුවෙලා . මූණත් ඉදිමිලා . උඹ ඊයේ තනියම බිව්වෙ එහෙම නෑ නේ . . "
" පිස්සුද බං . . නිදාගන්නකොට රෑ වුණානේ . ඒක වෙන්න ඇති . "
නාරදගේ සිතට ලැජ්ජාවක් දැනුනි . ඔහුට පෙරදා රැය සිවුණි . අසිත යම් ගැටලුවක සිරවී සිටියෙන් නාරදගේ හදිසි වෙනසක් ඒ තරම් ලොකුවට දැණුනේ නැත .
" අසිත මොනවද මචං අප්ඩේට්ස් .. . "
" ප්‍රශ්ණ නම් ගොඩයි නාරද . . . " අසිත නාරද දෙස බැරෑරුම් බැල්මක් හෙලුවේය . .
" මොකද්ද කේස් එක . . .? "
" ඕඩර්ස් කීපයක්ම පිට ගිහින් . අනික අර ' ලිහිනියා ඇපරල් ' එකේ ඕඩර් එකේ ඩිලිවරි ලේට් කියලා උන් ඒකේ ක්ලේම් එක අපිට දාලා . "
" ඉතිං බං ඒවා ඔක්කොම ප්‍රින්ට් කරලා තිබ්බ ඒවානේ . ඇයි ඩිලිවරි දෙන්න බැරි . එහෙම වෙන්න බෑනේ . "
" වජිර ඩිලිවරි කරලා නෑ . . "
" ඇයි ඒ . . උඹ උගෙන් ඇහුවද . . "
" ඔවු . මම ඇහුවා . ඌ කියනවා උඹ ඉන්ෆෝම් කලේ නෑ කියලා . "
" යකෝ අච්චර ලොකුවට ඩිලිවරි ප්ලෑන් එක හදලා බෝඩ් එකේ දාලා තියෙනවා . මම ඌට වෙනන ඇගිල්ලෙන් ඇනලා කියන්න ඕනද බං . මට තේරෙන විදියට ඌට ඕන වැඩේ අවුල් කරන්න . "
" මටත් හිතෙන්නේ . ඌ ගේන්නේ මෝඩ තර්කයක් . උඹේ පෝස්ට් එකේ වැඩේ ආරංචි වෙලා මගේ හිතේ . අපි කලබල නොවී ඉමු . උගෙන් කොහොමත් මේ කම්පැනි එකට වැඩක් නෑ . ඌ අවුලක් විතරයි . මෙහෙම කරමු . දසනායක ඔෆිස් ආවම උඹේ පෝස්ට් එක කන්ෆර්ම් කරමු . ඊට පස්සේ ගේම අදිමු . දසනායක සර්ට උගෙන් ඇහුවහැකිනේ වෙනදත් නාරද කියලද ඩිලිවරි යවන්නේ කියලා . බෝඩ් එකේ දාලත් තියෙනවනම් , ඩිලිවරි එක රෙඩි වෙලත් තියෙනවා නම් ඇයි නොයැවුවේ කියලා කෙලින්ම ඌව අල්ලගමු . එතකොට එතනින්ම ඒ ගැටලුව ඉවර කළ හැකි . "
" මං ඌට කතා කරන්නද . ... "
" එපා නාරද . ඌ බලාගෙන ඉන්නේ උඹ ඌට ප්‍රශ්ණයක් දානකන් . ඊට පස්සේ යූනියන් කේස් එකක් වෙයි . කලබල නැතුව ඉමු . "
" ඕකේ . .. ."
" දැං මොකද මිස්ටර් දසනායකට . සර් ඔෆිස් එකපාරක් හරි ආවානම් තමා හොද ."
" ඩොක්ටර් රෙස්ට් කරන්න කිව්වා . අපි හවස් වෙලා තත්වේ බලලා දසනායක සර්ට කතා කරමු . . "
" හ්ම් . . ."
නාරදත් අසිතත් බොහෝවේලාවක් ආයතනයේ ගැටලු පිළිබදව සාකච්චා කළෝය .
෴෴෴෴෴෴෴෴෴෴෴෴෴෴෴෴
දර්ශන උදෙන්ම පිටත් වුණේ හීනටිගල වෙදමහත්තයා හමුවන අටියෙනි . යාලුවෙක්ට හරි බයිසිකලයක් තිබුණේ වෙලාවට . අහගෙන අහගෙන ගියත් සොයාගැනීමට ලොකු වෙහෙසක් දැරීමට අවශ්‍ය නොවුණි .
වෙල්‍ යාය පසුවනවාත් සමගම පොල්වත්ත මැද පිහිටි වෙද මැදුර සිත් සතන් සනහාලන්නට සමත්වෙයි . දර්ශන සෙමෙන් නිවස ඉදිරිපිටට ගියේ කිසිවෙකු ඇත්දැයි බලන්නටය . නමුත් ගේ ඉදිරිපස කිසිවෙකු නොවීය .
" කවුරුවත් නැත්ද . . .? " දර්ශන කතාකලේය .
නමුත් කිසිවෙකු නිවස ඉදිරියට නොපැමිණියේය . දර්ශන සෙමෙන් නිවසේ පිටුපස දෙසට පියමැන්නේය . එහි කුඩා බංකුවක හිදගෙන වයස හැටපහක් හැත්තෑවක් වන සීයා කෙනෙක් කොළ වගයක් කපමින් සිටියේය .
" සීයේ . ගෙදර කවුරුවත් නැද්ද . . .? "
" ම්ම් . . . ඔය ළමයා කාවද හොයන්නේ . "
" මම මේ වෙදමහත්තයාව හම්බෙන්න ආවේ . වෙද මහත්තයා ඉන්නවද . .. ? "
" ආ වෙදමහත්තයා ඉන්නවා . ඔය ළමයා මොකටද වෙදමහත්තයාව හොයන්නේ . මොකද්ද අසනීපෙ දරුවො . .. ."
" මට මේ . .. වෙදමහත්තයව තමයි හම්බෙන්න ඕන . .. "
" ඉතිං ඒක තමයි ඇහුවේ මොකද්ද අසනීපය කියලා . " ඔහු රැළිගැසුණු මුහුණ හැඩකොට මදහසක් පා කීවේය .
" අනේ මට සමාවෙන්න වෙදමහත්තයා . මම නොදැනයි කතා කළේ . . .. "
" ආ ඒකට මොකද ඉතිං . කියමුකෝ බලන්න කාරනාව . මොකද මේ ළමයා . . ." වෙදමහතාගේ මුවේ සිනහව එලෙසමය . .
" වෙදමහත්තයා මම මේ ආවේ ලෙඩෙක් ඉන්නවා බේත් ගන්න එක්කන් එන්න අහන්න . "
" අමුතුවෙන් අහන්න දෙයක් නෑ ළමයෝ . එක්කගෙන එන්ඩ . මොකද්ද අසනීපය . "
" මම හරියටම ලෙඩේ ගැන නම් දන්නේ නෑ වෙදමහත්තයා . ඒ මහත්තයලා ඉන්නේ කොළඹ . ඒ නිසා තමයි එන්න දිනයක් අහගන්න ආවේ . මගේ අයියා වැඩකරන කම්පැනි යේ අයිතිකාරයා .. "
" හොදා . .. එහෙනම් කොළඹ ඉදන් එන නිසාත් ඉඩපාඩු තියෙන දිනයක් යොදාගෙන එන්න කියමු . මට දිනේ ගැටලුවක් නෑ . .. . "
" හොදයි වෙදමහත්තයා . මම කියන්නම් . "
" කතාබහ කොරලා එන්ට කලියෙන් දිනයක් මට ඇවිදින් කියමුකෝ . . "
" හොදයි වෙදමහත්තයා . . . මම ගිහින් එන්නම් . " දර්ශන වෙදමහතාට වැන්දේය .
" හොදා . . . තෙරුවන් සරණයි . "
ඔහු යලිත් පෙර ලෙසම කොළ කපන්න පටන්ගත්තේය .
අයියට ගිහින් විස්තරේ කියන්න ඕන . එහෙ අච්චර හොද ඉස්පිරිතාල තියෙනවත් එක්ක . අනික ඕනතරම් ස්පෙශලිස්ට්ලා ඉන්නවා . මොකට මේ කැලේ එන්න හදනවද මන්දා . අනේ මන්දා .. . දර්ශනට නොසිතුනාමත් නොවේ . අපි දන්නෙ නෑ නේ හරියට . දර්ශන සිතුවේය .
. . . මතු සම්බන්ධයි . . .
෴෴෴෴෴෴෴෴෴෴෴෴෴෴෴෴