පියාපත් ලැබී . . . 09

" පියාපත් ලැබී " තවත් දිගහැරුමක් .  ඔන්න කලින් කියවන්න බැරිවුණු කෙනෙකුට මෙතන ක්ලික් කරලා පහුගිය මතකය අලුත් කරගෙන එන්න පුළුවන් . කියවන්න " පියාපත් ලැබී " දැන් එතැන් සිට සහෲද ඔබ හමුවට 

෴෴෴෴෴෴෴෴෴෴෴෴෴෴෴෴

. . . නමවැනි කොටස . . .

" ඒ මොකද බං . ලොක්කා ප්ලේන් එකකුත් සර්විස් එකට දාලද . "

උස් හඬින් නැගි සිනාවත් එක්කම පැවසුවේ හිතේ හටගත් බිය හංගගන්නත් එක්කමයි .

" මේ , විහිළු නෙමෙයි නාරද . මම සිරාවට කියන්නේ . දසනායකගේ දුව ලංකාවට ඇවිත්ලු . එනවා කියලා අමතක වෙලා සිරිපාලවත් ගෙදර යවලා . එක්කන් එන්න යන්න කෙනෙක් නෑ කියලා මට යන්න පුළුවන්ද ඇහුවා . මට යන්න බෑනේ මචන් . පඩි දෙන්න එපෑ මේකලාට . නැතිනම් මුන් මගේ ඔලුව කාවි . පස්සේ උඹ ගම්පහ ඉන්නවා කිව්වම එහෙම්මම උඹට එයාපෝට් යන්න කියලා කියන්න කිව්වා . පරිස්සමින් ගිහින් එන්නත් කිව්වා . "

අනේ මචන් මම ගිහින් නෑනේ . අනික මම අඳුනගන්නේ කොහොමද කවුද කියලා . තාම සර්විස්ටේශන් එකත් වහලා . වාහනේ ගන්න විදියකුත් නෑ . උඹට බැරිද වෙන කාවහරි සෙට් කරන්න අසිත . "

" මචන් මට ලොක්කගේ කීමට පිටින් යන්න බෑනේ බං . අනික උඹට පිටරට යන්න කිව්වේ නෑ . එයාපෝට් එකට යන්න කිව්වේ . බය නැතුව පලයං . ඔය වාහනේ පස්සේ ගත්තහැකි . උඹ අතේ සල්ලි තියෙනවද . . ? "

" ඔවු තියෙනවා . . . "

" උඹ ඔතනින් ත්‍රීවීල් එකක් අරගෙන අස්ගිරිය මල්වත්ත ගාවට පලයන් . ඒ යද්දි මල්වත්ත ඔන්න මෙන්න තියලා හැරෙන්න පාරක් ඇති . ඒක කෙලින්ම ගෙදරකට යන්නේ . ඒ ගෙදට්ට ගිහින් කියපන් මිස්ටර් දසනායක එව්වේ කියලා . එහෙන් වාහනේ අරගෙන කෙලින්ම එයාපෝට් පලයන් . මොනවාහරි අවුලක් වුණොත් මට කෝල් එකක් දියන් . "

" හරි බං , වෙන ඉතිං මොනවා කරන්නද . දං කොහොමද බං උන්ව අඳුනගන්නෙ . "

" ඌබ එයාපෝට් එකට පලයන් . ඒ කෙල්ල වාහනේ අඳුනනවා කියලා දසයා කිව්වා . උඹට හොය හොයා ඉන්න වෙන්නෙ නෑ . එහෙනම් පරිස්සමින් ඉක්මනට පලයන් . . . "

" හ්ම්ම්ම් . . . "

නාරද අකමැත්තෙන්වුව යායුතුම නිසා ත්‍රිවීලරයකට ගොඩවුනේ පුළුවන් ඉක්මනින් අස්ගිරිය ගාඩ්න් කියන ගමන්ය . මේවට තමා කියන්නේ වදින්න ගිය දේවාලේ ඉහේ කඩංවැටෙනවාය කියලා . ඔහු තමන්ටම මුමුනාගත්තේය .

෴෴෴෴෴෴෴෴෴෴෴෴෴෴෴෴

" උඹ දැං ගෙදර ගියාම කට්ටිය පුදුමවෙයි නේද චාමි . "

" අනේමන්දා බං , ඒගොල්ලන්ට ඒහැටි ගානක් නෑ පාරමි . සමහරවිට ආ නොකියම ඇවිත් කියයි . එච්චර තමා . "

චාමිකාගේ පියා ඇගේ මව අතැර වෙනත් විවාහයක් කරගෙන ඇත්තේ ඇයට 10 වන වියේදී පමණය . ඈ පවුලෙන් වෙන්ව හැමදේම තනියෙන්ම කරගන තනිව හිඳින කෙනෙක්ය. ඈට තම දෙවන මව , නැතිනම් කුඩම්මාව රුස්සන්නේ නැතිය . ඇගේ මව ගැන තොරතුරක් සොයාගැනීමට ඈ අනන්ත අප්‍රමාණව වෙහෙසවූවාය . ඒත් ඉන් පලක්වී නැත .

" බලපං මේ ඩ්‍රයිවර් තාම නෑනේ . අලුත් කෙනෙක්ලු එන්නේ . සිරිපාල ගමේ ගිහින් කියලා . "

" එහෙනම් උඹලගේ තාත්තා තව අංකල් කෙනෙක්ව පංගාත්තු කරගෙන ඇති . පන ඇද ඇද එනවා ඇති මග . මේ කෙල්ලේ උඹලගේ වාහනේ ආපු හැටිය මම කැබ් එකක් අරන් යන්නම් . නැතිනම් උඹ මාව දාන්න මේ වෙලාවේ කුරුනෑගල ආවොත් උඹට යන්න වෙන්නේ දෙගොඩහරියක් වෙලා . පොඩිදුරක් නෙමෙයිනේ බං . ඒ හින්දා පිස්සු නැතිව ගෙදර යන්න . මම යන්නම් . "

" අනේ මේ උඹ පැහෙන්නේ නැතුව ඉඳින් . මට අවුලක් නෑ . අනික උඹ නොදන්න උන් එක්ක තනියෙම යවන්න බෑ . ගෙදර වාහනේනේ යන්නේ . මම එනවා . යමු . ට්‍රිප් එකක් වගේ තියෙයි . . . අන්න වාහනේ ආවා චාමි . "

" මේ උඹ ඉඳින් , මම අහන්නම් ඔහොමද වෙලාවක් කිව්වම එන්නෙ කියලා . පොඩි සද්දයක් දාමු . "

" පවු බං . . . මුකුත් කියන්න යන්න එපා . අපේ තාත්තට කියන්න බැරිවෙලා තියෙන්නේ . අනික මටත් එන්න කලින් කෝල් කරන්න බැරිවුණානේ . "

" හා හා . . . උඹ කියනවනම් මුකුත් නොකියා ඉන්නම්කෝ . . . "

. . . මතු සම්බන්ධයි . . .

෴෴෴෴෴෴෴෴෴෴෴෴෴෴෴෴