" පියාපත් ලැබී " තවත් දිගහැරුමක් . ඔන්න කලින් කියවන්න බැරිවුණු කෙනෙකුට මෙතන ක්ලික් කරලා පහුගිය මතකය අලුත් කරගෙන එන්න පුළුවන් . කියවන්න " පියාපත් ලැබී " දැන් එතැන් සිට සහෲද ඔබ හමුවට
෴෴෴෴෴෴෴෴෴෴෴෴෴෴෴෴
" දැන් දසයා වැඩිය පේන්න නෑ නේද බං " කොලටික තට්ටු කරන ගමන් අනුර පැවසුවේය .
" දසනායකගේ කෙල්ල ඇවිත් උන්නේ . මම දැක්කා දවසක් ඇවිත් ඉන්නවා ."
" ඒ ළමයා නම් දසයගේ ලගින්වත් තියන්න බෑ . ඕන කෙනෙක් එක්ක බොහොම සුහදව කතා කරනවා . ඒකට දසයා පෙන්නුවොත් වැරද්දක්නේ. "
" අන්න අන්න අසිත මහත්තයා එනවා. " සද්දනොකර වැඩේ කරපන්. නැත්නම් ලෙඩක් වැටෙයි."
" උඹලට කියන වැඩක් නම් හරියට කරන්න බෑ කතාව නම් තියෙනවා මා ගල දිග ඇරියා වගේ . මම මේ බලා ඉදලා බැරිම තැන ආවේ ."
දෙදෙනාම අසිතගේ හඩින් කතාව නවතා වැඩය ඉක්මන් කළෝය . පස්සෙන්ම නොහිටියොත් මුන් වැඩක් කරන්නේම නැත . මෙහි කිසිවෙක් නැතිකොට අම්බලමක් කරගැනිමට කිහිපදෙනෙක් බලාසිටියෝය . ඒ අතරට සුපවයිසර් වරුද විය . ඒ අතර " වජිර " මුල් තැනක් ගත් අයෙකි .
" අසිත කෝ නාරද පේන්න නෑ නේද ? "
වජිර ඇසුවේ ලෙඩක් ඇදීමේ අදහසින් බව අසිතගේ සිතට දැණුනි . එනිසාම ඔහු ලොක්කාගේ පැත්තටම බර තබා උත්තර දුන්නේය .
" මේ දවස්වල බොස් නාරදව ට්‍රේනින් එකකට ද කොහෙද යවනවානේ . ඒකට යන්න ඇති . "
" ඒ මොකටද බං මේ හදිස්සියේ ."
" අලුත් පොස්ට් එක බාරගන්න කලින් දැනගන්න ඕන දේවල් මොනවා හරි ඇතිනේ . මමත් හරියට දන්නේ නෑ . හෙට අනිද්දට දැනගන්න පුළුවන්වෙයි ." අසිත වජිරගෙන් ලිස්සා ගියේය.
" මොකද්ද බං නාරදට දෙන්න යන පොස්ට් එක ."
" මමත් හරියට දන්නෑ බං නික ආරංචියක් විතරයි ."
මුගේ බොරු . මූ දන්නවා කියන්නෑ . වජිර සිතුවේය . අපි බලමුකෝ මොකාටද එන්නේ කියලා .
පාරමීවත් මේරි අම්මාවත් නිවසට හැරලු නාරද ඔෆිස් එකට එනවිට සවස දෙක පමණ වී තිබුණි . නාරද සිය අසුනේ හිදගත්තේ කළ යුතු රාජකාරි පිළිබදව සිහිකරමිනි . එව්ටම වාගේ අසිත ද නාරදගේ කැබිනයට පිවිසුනේය .
" මොකද දැන් මිස්ටර් දසනායකට . මම එන්න හිතාගෙන ගිටියේ . කොහෙද පොඩ්ඩ බැරිවෙන්න බෑනේ මුං නාඩගං නටන්න ගන්නවනේ . "
අසිතට කුමක්දෝ කරුණකට මළ පැන ඇති බව ඔහු දුටු විට පෙනේ .
" දැං නං හොදයි . හවසට ටිකට් කපනවා කිව්වා ."
" හ්ම් . මිස්ටර් දසනායක හොස්පිට්ල් බව කාටවත් දැනගන්න නොතිය ඉමු ."
" ඒක හොදයි . අසිත අපිට හෙට අනිද්දම වෙයාර් හවුස් එකේ වැඩ ටික ඉවරකරගන්න වෙනවා . නැත්නම් අපිට සෑහෙන පාඩුයි ."
" ඒකනම් එහෙම තමයි . ඒත් සල්ලි ප්‍රශ්ණ කොහොමද කරන්න්නේ . මම වික්‍රමභාහුත් එක්කත් කතාකළා .පෙටි කෑශ් වලට සල්ලි විතරයිලු තියෙන්නේ . එහෙම රෙපෙයාර් එකකට වගේනම් බොස්ට කියලා චෙක් එකක් දාලා සල්ලි ගන්න ඕනලූ . අපි කන්ට්‍රෑක්ටර් කෙනෙක්ව අල්ලලා එස්ටිමේට් එකක් ගමු . එතකොට අපි ගෑවෙන්න ඕන නෑනේ ."
" හ්ම් . . . අපි දෙතුන්දෙනෙක්ගෙන්ම ගමු . එතකොට අඩු තැනකින් කරගතහැකිනේ . "
" ඔව් . ඒක නෙමේ . කොහොමද ලවු එක දැන් . "
" මොන ලවු එකද ? " නාරද අසිත දෙස යටැසින් බැලුවේය ." ඇයි බං උඹේ අලුත් ප්‍රේමය . කතාවකුත් තියෙන්නේ බං , අර මොන ඌරොද මංදා කැකුණ තලනකොට හබං කුකුලොද මොක්කුන්ටද ජය මගුල් කියලා නිකංද . . " අසිත අහක බලාගෙන ඇගට නොදැනී කීවේය .
" මේ අසිතයා , නිකං මගුල් කියවන්න එපා බං ."
" හා හා . . . ඔන්න අපි ගියා . අපිත් තව මෙහෙ ඉන්නවනේ මස්සිනා . බලමුකො උගුරට හොරා බේත් බොන හැටි . " අසිත නාරදට විහිලු කරමින් ආපසු යන්න සැරසුනේය .
" අසිත , පොඩ්ඩක් ඉදපන් මචන් . "
" කියපං . ..."
" මේ මම එනකොට වජිරයා නිකං අමුතු විදියට බැලුවේ ඇයි බං . නිකං ගේමට වගේ බැලුවේ . "
" දැං දැං මොනවා හරි ආරංචිවෙලා ඇති මයේ හිතේ . වැඩේ කියන්නේ එහෙකුටවත් හිතාගන්න බැරිවෙනවා මොකද මේ වෙන්න යන්නේ කියලා . වැඩිය නටන්න ආවොත් අපි ඌ ගැනත් බලාගමුකෝ . බය නැතු ඉදපං අපි මොනවාහරි කරමු .... "
" මට බය ජොබ් එක ගැන මචං . දැං මේ වෙන දේවල් කොහෙන් කෙලවර වෙයිද කියලා මට තේරෙන්නේ නෑ . නිකං හරි මගේ ජොබ් එකට මොනවා හරි වුනොත් මගේ ගෙදර උන් අනාතයි අසිත . මම ඉන්නේ ඇත්තටම ලොකු බයකින් . "
" උඹ බය නැතුව ඉදින් . මට උඹේ ගමන හොදට පේනවා , දැනෙනවා . බාධක එයි මචං . අපි කොහොම හරි ගොඩයමු . මම ඉන්නවා උඹ එක්ක . " අසිත නාරදගේ අත මිරිකගෙන කීවේය .
නාරදත් අසිතත් කතාබහේ සිටින අතරතුර අසිතගේ ෆෝන් එක රිංග් වුණි . අසිත දුරකතනය දෙස පරික්ශාකාරීව බලා නාරද දෙස බැලුවේය .
. . . මතු සම්බන්ධයි . . .
෴෴෴෴෴෴෴෴෴෴෴෴෴෴෴෴
No comments:
Post a Comment
ඔබේ අදහස් දිරියක් මට . . .